OBXECTO DA CONVOCATORIA
Convócase a escritor@s, viaxeir@s, profesionais ou afeccionad@s, a participar na elaboración de relatos de viaxe que teñan un contido que mostre converxencias co ideario viaxeiro de Mikel Essery, plasmado ao longo dos anos en editoriais, artigos, entrevistas, cadernos de viaxe e numerosas conversacións e do que apuntamos algunhas ideas:

“Continuo comprometido co reto de mesturar culturas, achegar persoas e participar na verdadeira aposta global: os pobos e non os estados, as persoas e non as ideoloxías, a cooperación e non a competencia, o intercambio solidario e non a oposición totalitaria. Entendido deste xeito, a viaxe non é só un itinerario polos escenarios que nos ofrece un país ou unha área concreta. A viaxe debe mostrar, por enriba de todo, o respecto e o interese por outras maneiras de pensar e lograr o achegamento a outras xentes que viven a vida á marxe ou ao noso pesar.”

Buscamos relatos viaxeiros que dende a experiencia vital particular de cada narrador nos acerquen a outras realidades sociais, culturais, naturais e humanas do planeta. Queremos miradas que nos aporten coñecemento e nos sorprendan coa súa busca e cos seus encontros; relatos que profunden na empatía polo outro e co outro. Unha viaxe narrada que empuxe cara a aprendizaxe e o enriquecemento persoais; unha invitación á viaxe, entendida esta como camiño, busca, encontro e espazo de liberdade, que valore o rito da celebración dese encontro nas súas múltiples facetas.

 

 

PRAZO E MODO DE PRESENTACIÓN
O prazo de presentación dos traballos estará aberto dende o 1 de xaneiro ata o 1 de maio de 2010 e deberán serán enviados como documento adxunto, en calquera formato de texto, ao enderezo de correo electrónico que se detalla a seguir.

concurso@mikelmunduan.net

No correo deberán incluírse os seguintes datos: o nome completo o seudonimo, o enderezo postal e o número de contacto. Pode resultar interesante incluír nunhas liñas un perfil biográfico do autor e unha mención ao seu blog ou á súa páxina web se a tivese.
O texto poderá ir acompañado dalgún documento gráfico [debuxo, foto, mapa, plano etc.] se o autor o considera relevante ou enriquecedor para o relato no seu conxunto.